11. เภทานุวตฺตก สิกฺขาปุจฺฉา
ปุจฺฉา – ยํ เตน อาวุโส ภควตา…เป.… สมฺมาสมฺพุทฺเธน เภทานุวตฺตกานํ ภิกฺขูนํ ยาวตติยํ สมนุภาสนาย อปฺปฏินิสฺสชฺชนฺตานํ สงฺฆาทิเสโส กตฺถ ปญฺญตฺโตฯ
วิสฺสชฺชนา – ราชคเห ภนฺเต ปญฺญตฺโตฯ
ปุจฺฉา – กํ อาวุโส อารพฺภ กิสฺมิํ วตฺถุสฺมิํ ปญฺญตฺโตฯ
วิสฺสชฺชนา – สมฺพหุเล ภนฺเต ภิกฺขู อารพฺภ ปญฺญตฺโต, สมฺพหุลา ภนฺเต ภิกฺขู เทวทตฺตสฺส สงฺฆาเภทาย ปรกฺกมนฺตสฺส อนุวตฺตกา อเหสุํ วคฺควาทกา, ตสฺมิํ ภนฺเต วตฺถุสฺมิํ ปญฺญตฺโตฯ
12. ทุพฺพจ, สงฺฆาทิเสส สิกฺขาปุจฺฉา
ปุจฺฉา – ยํ เตน อาวุโส ภควตา…เป.… สมฺมาสมฺพุทฺเธน ทุพฺพจสฺส ภิกฺขุโน ยาวตติยํ สมนุภาสนาย อปฺปฏินิสฺสชฺชนฺตสฺส สงฺฆาทิเสโส กตฺถ ปญฺญตฺโตฯ
วิสฺสชฺชนา – โกสมฺพิยํ ภนฺเต ปญฺญตฺโตฯ